მანჩესტერ იუნაიტედის მე-9 მარცხი - გუნდის ანტირეკორდი

მანჩესტერ იუნაიტედი კატასტროფულ სვლას განაგრძობს, "წითელი ეშმაკები", ჩემპიონთა ლიგის მატჩში, კოპენჰაგენთან (4-3) დამარცხდნენ და ეს შედეგი ანტისარეკორდო აღმოჩნდა. საქმე იმაშია, რომ იუნაიტედმა სეზონის პირველ 17 შეხვედრაში უკვე 9-ჯერ წააგო, ასეთი შემთხვევა კი ბოლოს 1973-1974 წლების სეზონში დაფიქსირდა, იმ წელს გუნდი ჩემპიონშიფში დაქვეითდა.

კლუბმა ჩემპიონთა ლიგის 4 მატჩში 3-ჯერ წააგო, პრემიერ ლიგის 11 ტურში 5-ჯერ დამარცხდა, კარაბაოს თასს კი გუნდი ნიუკასლთან შეხვედრაში გამოეთიშა, "კაჭკაჭებმა "წითლები" ანგარიშით 3-0 გაანადგურეს.

ამ მომენტისთვის, მანჩესტერ იუნაიტედი, შიდა ჩემპიონატში მე-8 ადგილს იკავებს, ჩემპიონთა ლიგის ჯგუფში კი ბოლო ადგილზეა.