მამარდაშვილის და ლივერპულის შეთანხმება ბოლო ეტაპს უახლოვდება

ფაბრიციო რომანოს მიერ გავრცელებული ინფორმაციის თანახმად, დღეს "ლივერპულისა" და "ვალენსიას" წარმომადგენლები კიდევ ერთხელ შეხვდებიან. რა თქმა უნდა, მთავარი სასაუბრო თემა გიორგი მამარდაშვილის ტრანსფერია.

როგორც უკვე მოგეხსენებათ, "ბორნმუთი" საქმიდან გავიდა და გიორგი "ვალენსიაში" ერთი წელი იჯარით დარჩება. მხოლოდ ამის შემდეგ, შეძლებს ქართველი მეკარე "ლივერპულში" გადაბარგებას.

როგორც ფაბრიციო რომანო წერს, ორივე მხარეს სურს, რომ ტრანსფერი ამ კვირაში დაიხუროს.