ბარახა: "როცა გვიჭირს, მამარდაშვილის დახმარება გადამწყვეტია"

ესპანეთის ჩემპიონატის მე-11 ტურში "ვალენსია" სტუმრად "ხეტაფეს" ეთამაშა და მატჩი ფრედ, 1:1 დასრულდა. შეხვედრის გადამწყვეტი მომენტი ბოლო წუთებზე დადგა, სადაც ქართველი მეკარე ვალენსიელებს მხსნელად მოევლინა. გიორგი მამარდაშვილმა, 95-ე წუთზე ძალიან რთული ორმაგი სეივი შეასრულა და რუბენ ბარახას გუნდს ქულა გადაურჩინა. 'ღამურების' მწვრთნელს პრესკონფერენციაზე ამ მომენტის შესახებ დაუსვეს კითხვა.

ვალენსია ამ სეზონში ცუდ მდგომარეობაშია. 11 ტურის შემდეგ, გუნდს მხოლოდ 7 ქულა აქვს და ჩემპიონატის ბოლო, მე-20 ადგილზე იმყოფება. მომავალ ტურში გიორგი მამარდაშვილს ერთ-ერთი ყველაზე რთული გამოცდის ჩაბარება ელის, ვალენსიას ბერნაბეუზე ელ კლასიკოში განადგურებული "რეალი" მიიღებს.