მამარდაშვილი ფინალის შემადგენლობისთვის ფავორიტია - ესპანური მედია ქართველ მეკარეზე წერს

"გიორგი მამარდაშვილი დაბრუნდა შესანიშნავ დონეზე და იბრძვის იმისთვის, რომ "ვალენსიას" მთავარი მეკარის სტატუსი დაიბრუნოს.  მისი სტატისტიკა ციფრებში შთამბეჭდავია: მხოლოდ შვიდი გაშვებული გოლი ათ თამაშში მოედანზე დაბრუნების შემდეგ (აქედან 4 "ბარსელონას" წინააღმდეგ) და ზედიზედ ხუთ შეხვედრაში კარის მშრალად შენახვა. https://www.live.ge/fexburti/rogori-statistika-aqvs-giorgi-mamardashvils-la-ligis-42-mekares-shoris/ ​ამავე დროს, მამარდაშვილის სტატისტიკა მუდმივად უმჯობესდება, იგი კლუბის ისტორიაში უკვე მეორე მეკარეა გაშვებული გოლების პროცენტული რაოდენობის სიმცირით. ეს საშუალოდ ერთ მატჩში 0.88 გოლს უდრის, რაც ანდრეას პალოპის მაჩვენებელს უტოლდება და სანტიაგო კანისარესს ცოტათი აღემატება (0.90). თუმცა, იასპერ სილესენის დაბრუნების გამო, ყოველთვის იქნება საფუძვლიანი ეჭვი, იქნება თუ არა სტაბილური მისი სასტარტო პოზიცია, თუ ის კვლავ წააგებს დუელს ნიდერლანდელ მეკარესთან. https://www.live.ge/fexburti/giorgi-mamardashvilis-satransphero-ghirebuleba-gaizarda/ გასულ შაბათს სილესენის გუნდში დაბრუნების შემდეგ, მწვრთნელმა თავი აარიდა მეკარეების შესახებ კითხვას და 23 აპრილს, სევილიაში, "ლა კარტუხაზე" გასამართი ფინალისთვის ეს საკითხი კვლავ ღიად დატოვა. არავინ კამათობს, რომ ფინალს განსაკუთრებული ზეწოლა თან ახლავს და ეს შესაძლოა მამარდაშვილისთვის უპირატესობად არ ჩაითვალოს, რადგანაც მას მსგავსი ტიპის ემოციების გაკონტროლების გამოცდილება არ აქვს. https://www.live.ge/fexburti/matchis-qarthveli-mephe-giorgi-mamardashvilis-shephaseba-kadisthan-matchshi/ მას შემდეგ, რაც ბევრი ისწავლა და შეითვისა, ქართველი თითქოს უფრო მომწიფდა ამ გამოცდილების ხარჯზე. მას აქვს უპირატესობა ფინალში ძირითად შემადგენლობაში ადგილის მოსაპოვებლად და არა მხოლოდ იქ, გრძელვადიან პერსპექტივაში", - წერს ანდალუსიური გამოცემა.