"მადრიდში გელოდები" - ესპანელმა ჟურნალისტმა კვარას გუტის მაისური გადასცა

ერთ-ერთ საუკეთესო ესპანელ საფეხბურთო ჟურნალისტ - ხოსეპ პედრეროლთან გადაცემაში სტუმრობისას, გუტიმ შემთხვევით აღმოაჩინა, რომ ის ხვიჩა კვარაცხელიას კუმირია. "რეალის" ლეგენდამ პირობა დადო, რომ კვარას აუცილებლად გაუგზავნიდა მაისურს მისი ხელმოწერით.

• გუტი კვარაცხელიას: “იმედი მაქვს, მალე მადრიდის რეალში გიხილავ”

გუტიმ პირობა შეასრულა და ხვიჩა კვარაცხელიას საკუთარი მაისური უსახსოვრა. ავტოგრაფიანი მაისური და გუტის მიმართვა კვარას ესპანელმა ჟურნალისტმა გადასცა. El Chiringuito TV-ის რეპორტიორი "ნაპოლის" საწვრთნელ ბაზას ეწვია, სადაც ხვიჩა კვარაცხელიას შეხვდა და მისი კუმირის მაისური გადასცა.

ესპანელმა ჟურნალისტმა ხვიჩა კვარაცხელიას "ბლანკოსის" ლეგენდის მიმართვაც გადასცა: "ხვიჩას, იმედია მოგეწონა მაისური და ვიმედოვნებ, რომ შენი ოცნებები ახდება. მადრიდში გელოდები.

ჟურნალისტთან საუბარში კვარაცხელიამ გუტის მადლობა გადაუხადა და აღნიშნა, რომ საპასუხო საჩუქარს უახლოეს მომავალში გაუგზავნის.