ლუის ენრიკე: 'ნიცასთან წაგებას ჩემპიონთა ლიგის გარანტირებულ ფინალში გავცვლიდი'

ლიგა 1-ის 31-ე ტურში "პსჟ" "ნიცას" საკუთარ მოედანზე უმასპინძლებს. უკვე დიდი ხანია პარიზული გრანდი ჩემპიონია, ტურნირის დარჩენილ მატჩებში კი მთავარი მოტივაცია სეზონის ფრანგული ნაწილის დაუმარცხებლად დასრულება იქნება. მატჩის წინ ლუის ენრიკემ კიდევ ერთხელ გაიმეორა, რომ რეკორდის დამყარების დიდი სურვილი აქვს, თუმცა ეს ტიტულებზე მნიშვნელოვანი ვერ იქნება.

შუა კვირის მატჩში პსჟ-მ "ნანტთან" ფრედ ითამაშა, ახლა მას მხოლოდ 4 თამაშის არწაგება სჭირდება იმისთვის, რომ ისტორიაში პირველად, საფრანგეთის ჩემპიონატი წაუგებლად დაამთავროს. 29 აპრილს პსჟ-ს ჩემპიონთა ლიგის ნახევარფინალის პირველი მატჩი სტუმრად, "არსენალთან" ელოდება.