ლუჩიანო სპალეტი სერია A-ს იანვრის თვის საუკეთესო მწვრთნელად დასახელდა
1 წლის წინ
ფეხბურთი
1 წთ
"ნაპოლის" მთავარი მწვრთნელი, ლუჩიანო სპალეტი იტალიის სერია A-ში იანვრის თვის საუკეთესოდ დასახელდა.
აღნიშნული ჯილდო 63 წლის სპეციალისტმა მიმდინარე სეზონში მეორედ, ხოლო კარიერაში მესამედ მოიგო.
იანვრის თვეში "ნაპოლიმ" სერია A-ში 5 შეხვედრა ჩაატარა, საიდანაც 1-ში დამარცხდა, 4 კი გამარჯვებით დაასრულა, რაშიც საქართველოს ნაკრების ლიდერის, ხვიჩა კვარაცხელიას როლიც საკმაოდ მნიშვნელოვანი იყო.
ამ მომენტისთვის, "ნაპოლი" 20 ჩატარებული შეხვედრის შემდეგ 53 ქულას ფლობს და უახლოეს მდევარ "ინტერთან" 13-ქულიანი სხვაობით ერთპიროვნულად ლიდერობს. შემდეგ შეხვედრას "ნაპოლი" 5 იანვარს, "სპეციას" წინააღმდეგ სტუმრად გამართავს.
სხვა სტატიები
