ლივერპული პრემიერ ლიგის ცხრილში გალიდერდა

პრემიერ ლიგის მე-6 ტურის შეხვედრაში "ვულვზმა" "ლივერპულს" უმასპინძლა და მერსისაიდულმა გუნდმა 1:2 გაიმარჯვა. პირველი გოლი 45+2 წუთზე იბრაჰიმა კონატემ გაიტანა, რაიან აიტ-ნურმა 56 წუთზე ანგარიში გაათანაბრა, ხოლო პენალტის ნიშნულიდან მო სალაჰმა გაიტანა და 61-ე წუთზე მატჩის საბოლოო ანგარიში დააფიქსირა.

სატურნირო ცხრილს რაც შეეხება, "ლივერპული" ამ გამარჯვებით პრემიერ ლიგის სათავეში მოექცა, მათ 15 ქულა აქვთ, 14-14 ქულას აგროვებენ "არსენალი" და "მანჩესტერ სიტი", 15 ქულის დაგროვების შანსი "ასტონ ვილას" აქვს, რომელიც თავის შეხვედრას ხვალ, "იფსვიჩის" წინააღმდეგ გამართავს.