ლივერპული მამარდაშვილისთვის ბრძოლაში ჩაერთო

23 წლის ქართველმა მეკარემ ევრო 2024-ის ჯგუფურ ეტაპზე შთამბეჭდავი მატჩები ჩაატარა. 20 სეივი შეასრულა და ყველა სხვა მეკარეს მნიშვნელოვანი სხვაობით აჯობა. ვარსკვლავურმა გამოსვლამ არა მხოლოდ აამაღლა მისდამი ინტერესი, არამედ მყარად მოათავსა ის ევროპული ტოპ კლუბების რადარზე.

"ლივერპული", არნე სლოტის ხელმძღვანელობით, როგორც ჩანს, მამარდაშვილის დამატების მთავარი კანდიდატია. იმის გამო, რომ ალისონ ბეკერმა საუდის არაბეთის პრო ლიგის გუნდების მნიშვნელოვანი ინტერესი გამოიწვია, ლივერპულს შესაძლოა მალე დასჭირდეს ახალი მეკარე. MARCA-ს რეპორტიორი დიეგო პიკო ვარაუდობს, რომ ქართველი მეკარისთვის ლივერპული "პირველია", თუმცა ბრძოლაშია "ნიუკასლიც". პიკო ასევე ირწმუნება, რომ ლივერპულმა მიიღო საუდის არაბეთიდან მრავალმილიონიანი შეთავაზება ალისონისთვის, რამაც დააჩქარა მათი ინტერესი მამარდაშვილის მიმართ. ეს ინტერესი ემთხვევა მამარდაშვილის კომენტარებს მისი გარდაუვალი სამომავლო გადაწყვეტილების შესახებ, სადაც ნათქვამია, რომ მისი მომავალი მალე გაირკვევა.

"ვალენსია", რომელმაც უკვე მიიყვანა გუნდში შემცვლელი, ნაკლებად სავარაუდოა, რომ მამარდაშვილთან ახალ კონტრაქტს გააფორმებს. ეს ვითარება იმაზე მეტყველებს, რომ პრემიერლიგაში გადასვლა ძალიან სავარაუდოა. ვალენსიამ უკვე უარყო ნიუკასლის 25-მილიონიანი შეთავაზება, რადგან ესპანური მხარე გიორგის გაშვებას 40-მილიონზე ნაკლებად არ აპიირებს.