ლივერპული ლიდსთან დამარცხდა - მამარდაშვილმა 4 გოლი გაუშვა

ლივერპულმა სეზონისწინა მოსამზადებელი ეტაპის ფარგლებში მესამე მატჩი ჩაატარა და ლიდსთან 2:4 დამარცხდა. გიორგი მამარდაშვილი ძირითად შემადგენლობაში იყო და შეხვედრა სრულად ჩაატარა. მერსისაიდულმა გუნდმა მატჩი კარგად დაიწყო და პირველი ნახევარი 2-ბურთიანი სხვაობით მოიგო კიდეც, პირველი გოლი მე-7 წუთზე ლუკ ჩემბერსმა გაიტანა, ხოლო უპირატესობა ორამდე მე-40 წუთზე ფლორიან ვირცმა გაზარდა.

მეორე ტაიმში ლივერპულისთვის ყველაფერი თავდაყირა დადგა და მე-60 წუთიდან 4 გოლი გაუშვეს. 25-წუთიან მონაკვეთში ჯერ ბრენდენ აარონსონმა გაიტანა, დომინიკ კალვერტ-ლევინმა დუბლი შეასრულა, ხოლო ერთი გოლიც შონ ლონგსტაფის ანგარიშზეა.

გიორგი მამარდაშვილს შეხვედრაში 3 მოგერიება ჰქონდა, ის ბურთს 33-ჯერ შეეხო, 22 გადაცემიდან 15 ზუსტად შეასრულა (68%).

ქართველი მეკარის შეფასება:

• Flashscore: 5.5

• Sofascore: 5.9

ლივერპულის მომდევნო შეხვედრები ასე გამოიყურება:

• 9 აგვისტო - მონაკო

• 16 აგვისტო - კომო