ლიონის მთავარ მწვრთნელად ფაბიო გროსო დაინიშნა

იტალიის ეროვნული ნაკრების ყოფილი მცველი, ფაბიო გროსო ,,ლიონის'' მთავარი მწვრთნელი გახდა.

45 წლის სპეციალისტმა ფრანგულ გუნდთან კონტრაქტი 2024 წლის ზაფხულამდე გააფორმა. ხელშეკრულება თანამშრომლობის კიდევ ერთი წლით გახანგრძლივებასაც ითვალისწინებს.

გროსოს 2007-2009 წლებში სწორედ ,,ლიონის'' ღირსებას იცავდა.

კარიერის დასრულების შემდეგ იტალიელი რამდენიმე გუნდს, მათ შორის ,,ბარის'', ,,ვერონას'', ,,ბრეშას'', შვეიცარიულ ,,სიონსა'' და ,,ფროზინონეს'' წვრთნიდა.

საფრანგეთის ლიგა 1-ის 4 ტურის შემდეგ, ,,ლიონს'' 1 ქულა აქვს და სატურნირო ცხრილის ბოლო ადგილზეა.