ლიგის მომავალ სეზონში, შესაძლოა, 6-მა იტალიურმა გუნდმა ითამაშოს | რა უნდა მოხდეს ამისთვის?

რამდენიმე კვირის წინ, ოფიციალურად გახდა ცნობილი, რომ ჩემპიონთა ლიგის მომავალ სეზონში იტალიის სერია A-ს 5 წარმომადგენელი ეყოლება.

2024-2025 წლების სეზონიდან მსოფლიოს ყველაზე პრესტიჟული საკლუბო ტურნირის ფორმატი იცვლება და 32 გუნდის ნაცვლად, მასში მონაწილეობას 36 გუნდი მიიღებს. დამატებითი 4 ადგილიდან კი 2 იმ ლიგებზე გადანაწილდა (სერია A, ბუნდესლიგა), რომელთა წარმომადგენლებმაც სეზონში უეფას კოეფიციენტების ცხრილში საუკეთესო შედეგი დააფიქსირეს,

,,ატალანტას'' ევროპა ლიგის ფინალში გამარჯვების შემდეგ კი გაჩნდა იმის შანსი, რომ ლიგაზე 6-მა იტალიურმა კლუბმა ითამაშოს.

ამისთვის სერია A-ს მიმდინარე სეზონი გასპერინის გუნდმა სატურნირო ცხრილის მე-5 პოზიციაზე უნდა დაასრულოს. თუ ჩემპიონატი ასე დამთავრდება, მომავალ წელს ჩემპიონთა ლიგაზე თამაშს ,,რომაც'' შეძლებს. ამ მომენტისთვის ბერგამოელები სწორედ მე-5 ადგილს იკავებენ, თუმცა შანსი აქვთ, რომ საუკეთესო სამეულშიც მოხვდნენ.

სერია A-ს Top ექვსეული ასე გამოიყურება (ატალანტას გარდა, ხუთივე გუნდს 37 მატჩი აქვს ჩატარებული):

1. ინტერი - 93 ქულა

2. მილანი - 74 ქულა

3. ბოლონია - 68 ქულა

4. იუვენტუსი - 68 ქულა

5. ატალანტა - 66 ქულა (36 მატჩი)

6. რომა - 63 ქულა