ლევერკუზენის სპორტული დირექტორი: "ხაბი ალონსო ჩვენთან დარჩება"

ლევერკუზენის "ბაიერის" სპორტული დირექტორი სიმონ როლფესი დარწმუნებულია, რომ მიუხედავად "ლივერპულის" ინტერესისა, ხაბი ალონსო გუნდში შემდეგ სეზონშიც დარჩება.

ბუნდესლიგას "ბაიერი" 21 ტურის შემდეგ წაუგებლად და 55 ქულით ლიდერობს, ხოლო მიუნხენის "ბაიერნს" 5 ქულით უსწრებს. რაც შეეხება ევროპულ ტურნირებს, აქ "ბაიერი" ევროპა ლიგის მერვედფინალშია გასული და თავის მეტოქეს ელოდება.

ხაბი ალონსომ "ლივერპულში" 2004-09 წლებში ითამაშა, 210 მატჩში მიიღო მონაწილეობა, 18 გოლი გაიტანა, 20 საგოლე პასი გააკეთა, უეფას ჩემპიონთა ლიგა, ევროპის სუპერ თასი, ინგლისის ასოციაციის თასი და სუპერ თასი მოიგო.