ლეო მესი: "შეჯიბრი მიყვარს, ფეხბურთით დღემდე ისე ვტკბები, როგორც ბავშვობაში"

მსოფლიოს ყველა დროის ერთ-ერთმა საუკეთესო ფეხბურთელმა, ლიონელ მესიმ, რომლისგანაც გულშემატკივრები ოფიციალურ პასუხს ელიან, ითამაშებს თუ არა 2026 წლის მუნდიალზე, თქვა, რომ ფეხბურთისგან ისევ ბავშვურ სიამოვნებას იღებს.

8 ოქროს ბურთის მფლობელის გუნდი, ინტერ მაიამი MLS-ის გადათამაშების ზონაშია მოხვედრილი და ამერიკის შეერთებული შტატების ჩემპიონობისთვის იბრძვის. პლეიოფის საწყის ფაზაში ნეშვილთან ანგარიში თანაბარია (1:1), მესამე მატჩი კი 9 ნოემბერს, მაიამიში უნდა გაიმართოს. რეგულარულ გათამაშებაში მესიმ 29 გოლის გატანა და 19 საგოლე პასის გაკეთება მოახერხა, რითაც საუკეთესო ბომბარდირი და ასისტენტი გახდა. პლეიოფში არგენტინელს 3 გოლი და 1 საგოლე პასი აქვს.