ხავი: "მესის ბარსელონაში დაბრუნება პირადად ლაპორტამ დაბლოკა"

4 საათის წინ ფეხბურთი

1 წთ

პრეზიდენტი სიმართლეს არ ამბობს. ლეოს დამატების უფლება ლა ლიგამ მოგვცა და ჩვენ ამაზე მწვანე შუქი გვქონდა. 2023 წლის იანვარში, მსოფლიო ჩემპიონატის მოგების შემდეგ, მესის დავუკავშირდი და მითხრა, რომ აღფრთოვანებული იყო დაბრუნების შესაძლებლობით და მეც ეს დავინახე. მარტამდე კონტაქტზე ვიყავით და ვუთხარი: „კარგი, როცა თანხმობას მომცემ, პრეზიდენტს ვეტყვი, რადგან ფეხბურთის თვალსაზრისით ამას კარგ ნაბიჯად მივიჩნევ“.

შემდეგ რა მოხდა? პრეზიდენტმა უარი განაცხადა. ლაპორტამ მითხრა, რომ თუ ლეო დაბრუნდებოდა, გასახდელში ომი დაიწყებოდა, რასაც ვერ დაუშვებდა. უეცრად ლეომ შეწყვიტა ჩემს ზარებზე პასუხის გაცემა, რადგან მეორე მხრიდან უთხრეს, რომ დაბრუნება შეუძლებელი იყო.

მართალია, რომ ამის გამო ლეოსთან ურთიერთობა გამიფუჭდა, მას ეგონა რომ ამ საქმეში გარეული ვიყავი და თავს მოტყუებულად გრძნობდა. ახლა ჩემსა და მას შორის ყველაფერი კარგადაა. - განაცხადა ხავიმ

რომა დევიძე