ლამინე იამალმა ბარსელონას რეკორდი დაამყარა

ჩემპიონთა ლიგის ჯგუფური ეტაპის პირველ ტურში ,,ბარსელონა'' ,,ანტვერპენს'' მასპინძლობს.

მატჩში 68-ე წუთზე ჩაერთო ლამინე იამალი, რომელიც 16 წლისა და 68 დღის ასაკში გახდა ყველაზე ახალგაზრდა ფეხბურთელი, ვისაც კატალონიური გუნდის მაისურით ჩემპიონთა ლიგაზე უთამაშია.

გარდა ამისა, იამალი იუსუფა მუკოკოს (დორტმუნდი) შემდეგ, ჩემპიონთა ლიგის ისტორიაში მეორე ყველაზე ახალგაზრდა ფეხბურთელია.

მიმდინარე სეზონში ,,ბარსელონას'' შემტევის ანგარიშზე ლა ლიგაში ჩატარებულ 5 მატჩში 2 საგოლე გადაცემაა.