ლამინე იამალი: 'ჩემი ოცნება არა ერთის, არამედ მრავალი ოქროს ბურთის მოგებაა'

პსჟ-ის ფეხბურთელთან, უსმან დემბელესთან ერთად, ლამინე იამალი 2025 წლის ოქროს ბურთის ერთ-ერთ ფავორიტად ითვლება. 18 წლის ფეხბურთელმა გამორჩეული წელი ჩაატარა და შესაძლოა, ამ პრესტიჟული პრიზის ყველაზე ახალგაზრდა გამარჯვებული გახდეს.

ამ ეტაპზე, ლამინეს მომავალი გამარჯვებები ჰიპოთეტურად გამოიყურება, მაგრამ ცხადია, რომ ის არის ფეხბურთელი, რომელსაც შეუძლია ფეხბურთში მრავალი წლის განმავლობაში დომინირება. ბარსელონაში კი იმედოვნებენ, რომ იამალს კარიერის ბოლომდე შეინარჩუნებენ.

შეგახსენებთ, რომ კარიერის განმავლობაში, კრიშტიანუ რონალდუს 5 ოქროს ბურთი აქვს მოგებული, ლეო მესის კი - 8.