კვარაცხელიამ შედეგიანად დაიწყო | რა შეფასება დაიმსახურა ქართველმა სადებიუტო მატჩში?

საფრანგეთის ლიგა 1-ის მე-19 ტურში "პსჟ"-მა "რეიმსს" უმასპინძლა და მატჩი ფრედ 1:1 დასრულდა. ამ შეხვედრაში ხვიჩა კვარაცხელიას დებიუტი შედგა და პარიზულმა პუბლიკამაც თბილად მიიღო ქართველი. ხვიჩა მატჩის დაწყებამდე წარადგინეს და ტრიბუნებიდან "მასპინძლობის" ოვაციაც შეხვდა.

კვარაცხელიამ თამაში ძირითადი შემადგენლობიდან დაიწყო და ლუის ენრიკემ ის 83-ე წუთზე შეცვალა, თუმცა იქამდე კვარამ საქმის გაკეთება მოასწრო. 47-ე წუთზე უსმან დემბელემ სწორედ ხვიჩას პასით შეძლო ანგარიშის გახსნა, პარიზელების სიხარული დიდი დროით არ გაგრძელდა, ზუსტად 9 წუთში ნაკამურამ გაათანაბრა და ტაბლოზე ანგარიში აღარ შეცვლილა.

ხვიჩამ whoscored-გან და sofascore-გან ერთნაირი - 6.9 ქულა დაიმსახურა, რაც პსჟ-ის ფეხბურთელთა საერთო შეფასების ფონზე, მაღალი მაჩვენებელია. 43-დან 39 ზუსტი გადაცემა (91%), 69 შეხება ბურთთან, 6-დან 2 ზუსტად შესრულებული დრიბლინგი და რაც მთავარია, საგოლე გადაცემა - ესაა კვარას პირველი თამაშის ციფრები.

პსჟ ლიგა 1-ის პირველადგილოსანია და უახლოეს მდევარ მარსელს 10 ქულით უსწრებს, თუმცა 1 მატჩით მეტიც აქვს ჩატარებული.