კვარა, ბარკოლა, დემბელე - ბრესტთან უძლიერეს სამეულს ელოდებიან

დღეს, ჩემპიონთა ლიგის 'პლეი ინის' პირველ დაპირისპირებაში, "ბრესტი" "პსჟ"-ს მიიღებს. მასპინძლები, საკუთარ მოედანზე ვერ ითამაშებენ, რადგან უეფას სტანდარტებს ვერ აკმაყოფილებს. მატჩი გინგამში, 'სტად დე რუდურუზე' ჩატარდება, თუმცა გუშინ გავრცელებული ვიდეოს მიხედვით, მინდვრის საფარი აქაც ცუდ მდგომარეობაშია.

გუნდებს შორის უკანასკნელი დაპირისპირება 1-ელ თებერვალს შედგა და პსჟ-მ 2:5 მოიგო. ამ შეხვედრაში დემბელემ ჰეთ-თრიქი შეასრულა. ფრანგი შესანიშნავ ფორმაშია და უკანასკნელ 5 ჩატარებულ შეხვედრაში, მინდორი გოლის გარეშე არ დაუტოვებია.

აღსანიშნავია, რომ პსჟ-მ ბრესტს ლიგა 1-ის პირველი წრის შეხვედრაც მოუგო - 14 სექტემბერს (3:1). დემბელემ იმ შეხვედრაშიც დუბლი შეასრულა. 1-ელ აპრილს ჩატარებულ მატჩში პსჟ-ს შემტევი სამეული კვარა, ბარკოლა და დემბელე იყო, გამოცემა RMC Sport, ძირითადში, დღესაც უძლიერეს სამეულს ვარაუდობს.

სავარაუდო შემადგენლობა:

მეკარე: ჯანლუიჯი დონარუმა

მცველები: ნუნო მენდეში, ვილიან პაჩო, მარკინიოსი და აშრაფ ჰაკიმი

ნახევარმცველები: ჟოაო ნევეში, ვიტინია და დეზირე დუე

თავდამსხმელები: ბრედლი ბარკოლა, უსმან დემბელე და ხვიჩა კვარაცხელია