კოტ-დ'ივუარის ნაკრებმა მწვრთნელი აფრიკის თასის მიმდინარეობისას დაითხოვა
ჟან ლუი გასე და მისი ასისტენტი, გისლენ პრანტანი კოტ-დ'ივუარის საფეხბურთო ნაკრების მწვრთნელის პოსტიდან დაითხოვეს.
,,მთავარ მწვრთნელთან, ჟან ლუი გასესთან, არადამაკმაყოფილებელი შედეგების გამო, კონტრაქტი გაწყვეტილია.'' - წერია კოტ-დ'ივუარის ფეხბურთის ფედერაციის განცხადებაში.
გასეს ხელმძღვანელობით კოტ-დ'ივუარის ნაკრებმა აფრიკის თასის ჯგუფურ ეტაპზე 3 ქულით მე-3 ადგილი დაიკავა.
მასპინძლებს ჯგუფიდან გასვლის შანსი ისევ აქვთ, თუმცა საკუთარ თავზე დამოკიდებულნი არ არიან და მათი ბედი დღეს, ჯგუფური ეტაპის დასკვნითი ტურში გადაწყდება.
🚨🇨🇮 Ivory Coast part ways with the head coach Jean Louis Gasset in the middle of the AFCON that the country is hosting.
— Fabrizio Romano (@FabrizioRomano) January 24, 2024
This happens despite Ivory Coast can still qualify for the round of 16 as one of the third-best teams. pic.twitter.com/mffVJuRAB1