კოპა დელ რეის 1/8-ფინალში ერთმანეთს რეალი და ატლეტიკო შეხვდებიან

ესპანეთში კოპა დელ რეის მერვედფინალური ეტაპის წილისყრა გაიმართა.

მერვედფინალში განსაკუთრებით გამორჩეული დედაქალაქური დერბი იქნება - ერთმანეთს მადრიდის ,,რეალი'' და მადრიდის ,,ატლეტიკო'' შეხვდებიან.

გიორგი მამარდაშვილის ,,ვალენსიას'' მეტოქე ,,სელტა'' იქნება, კატალონიის ,,ბარსელონა'' კი მესამელიგელ ,,უნიონისტას დე სალამანკას'' დაუპირისპირდება, რომელმაც 1/16-ფინალიდან ,,ვილიარეალი'' გააგდო.

მერვედფინალური ეტაპის ყველა წყვილი ასე გამოიყურება:

უნიონისტას დე სალამანკა - ბარსელონა

ხეტაფე - სევილია

ვალენსია - სელტა

ატლეტიკო - რეალი

ტენერიფე - მალიორკა

ოსასუნა - სოსიედადი

ბილბაო - ალავესი

ჟირონა - რაიო ვალეკანო

ესპანეთის თასის მოქმედი ჩემპიონი მადრიდის ,,რეალია'', რომელმაც შარშან ფინალში ,,ოსასუნას'' მოუგო.