ატლეტიკო ბელგიელი ტალანტის ტრანსფერის განხორციელების ზღვარზეა
მადრიდის "ატლეტიკოსა" და "ანტვერპენს" შორის მიღწეული შეთანხმების შემდეგ, მადრიდული კლუბი ფორმალურ დოკუმენტებს ამზადებს, რათა არტურ ვერმეერენის ტრანსფერი განახორციელოს.
გავრცელებული ინფორმაციით, "ატლეტიკოს" 18 წლის ბელგიელი ნახევარმცველის ტრანსფერი 22 მილიონი ევრო დაუჯდება, რომელსაც სამომავლო ბონუსების სახით, შესაძლოა კიდევ რამდენიმე მილიონი დაემატოს. ფაბრიციო რომანოს მიერ გავრცელებული ინფორმაციით, "ატლეტიკოს" წარმომადგენლები, ვერმეერენსა და მის ბანაკს კონტრაქტის პერსონალური დეტალების შესათანხმებლად, უახლოეს საათებში დაუკავშირდებიან.
18 წლის არტურ ვერმეერენი "ანტვერპენის" ძირითად გუნდში 2022 წლიდან ასპარეზობს და ამ დროის განმავლობაში 47 მატჩში მიიღო მონაწილეობა. ახალგაზრდა ნახევარმცველმა ბელგიის ნაკრების შემადგენლობაში ორი მატჩი ჩაატარა.
🚨🔴⚪️ Atlético Madrid are preparing formal documents for Arthur Vermeeren deal after the agreement with Antwerp on €22m fee plus add-ons.
— Fabrizio Romano (@FabrizioRomano) January 24, 2024
Atléti will also speak again to Arthur and his camp today in order to complete personal terms agreement and get the deal sealed. pic.twitter.com/TOYSWee8Lp
სხვა სტატიები
