კონტე: ,,შედეგს, რომელიც 10 ტურის შემდეგ გვაქვს, ყველაზე გიჟურ ოცნებაშიც ვერ წარმოვიდგენდი''
3 კვირის წინ
ფეხბურთი
1 წთ
,,ნაპოლის'' მთავარმა მწვრთნელმა, ანტონიო კონტემ, ,,მილანთან'' მოგებულ მატჩზე ისაუბრა:
,,რეალისტურად ვუყურებთ ყველაფერს, რასაც ვაკეთებთ. შედეგს, რომელიც 10 ტურის შემდეგ გვაქვს, ყველაზე გიჟურ ოცნებაშიც ვერ წარმოვიდგენდი!
ვიცი, რომ ჩემი კარიერის გათვალისწინებით, დიდი პასუხისმგებლობა მაკისრია. ყველა გუნდმა, რომელიც სეზონს იწყებს, საკუთარი მიზნის შესახებ იცის, ჩვენთვის ეს ევროპაში დაბრუნებაა, რადგან, მგონი, ბოლო 14 წლის განმავლობაში, ნაპოლი ევროტურნირზე პირველად ვერ მოხვდა. თუმცა, ისიც ვიცით, რომ ამის ამბიცია კიდევ 5-6 კლუბს აქვს. არ დაგვავიწყდეს, გასულ სეზონში ლიდერს 41 ქულით ჩამოვრჩით.
საამაყოა, რომ სულ რაღაც 4 თვეში ჩამოვაყალიბეთ შემადგენლობა, რომელშიც გუნდზე ფიქრობენ და არა ცალკეულ ფეხბურთელებზე. ეს ერთ-ერთი საუკეთესო გუნდია, რომელიც ოდესმე მყოლია. ძალიან მინდა, რომ ჩვენმა გულშემატკივრებმა ნაპოლით იამაყონ.
ჩვენთვის სერია A-ს მოგება რაღაც წარმოუდგენელი იქნება! ნაპოლიმ ტიტული 2 წლის წინ მოიპოვა, მანამდე ეს მილანმა და იუვენტუსმა შეძლეს. თუმცა, განსხვავება ისაა, რომ ეს გუნდები შემდეგ ოთხეულში მოხვდნენ, ჩვენ კი მე-10 ადგილზე გავედით და ბევრი ფეხბურთელი დავკარგეთ. სასწაულები ხდება და ჩვენ შეგვიძლია, რომ პროცესი დავაჩქაროთ!'' - ანტონიო კონტე
იტალიის სერია A-ს მე-10 ტურში ,,ნაპოლიმ” ,,მილანი'' სტუმრად 2:0 დაამარცხა.
10 ტურის შემდეგ, ნეაპოლელები 25 ქულით სატურნირო ცხრილის პირველ პოზიციაზე არიან.
ანტონიო კონტეს გუნდი მომდევნო შეხვედრას 3 ნოემბერს ,,ატალანტას'' წინააღმდეგ გამართავს.
სხვა სტატიები
.32.webp)
