კონფერენს ლიგაზე მერვედფინალური წყვილები დაკომპლექტდა
23 თებერვალს შვეიცარიის ქალაქ ნიონში მდებარე უეფას სათაო ოფისმა ევროპის კონფერენს ლიგის მერვედფინალური ეტაპის წილისყრას უმასპინძლა.
8 განთესილმა და 8 განუთესავმა გუნდმა ევროპის რანგით მესამე ტურნირის მერვედფინალური ეტაპი დააკომპლექტა. შესაბამისად, ცნობილი გახდა 8 წყვილი და ასევე, საქართველოს საფეხბურთო ნაკრების ცენტრალური ნახევარმცველის, ოთარ კიტეიშვილის გრაცის "შტურმის" მეტოქე, რომელიც საფრანგეთის წარმომადგენელი "ლილი" გახლავთ.
რაც შეეხება თავად წყვილებს, ის შემდეგნაირად გამოიყურება:
"სერვეტი" - პლზენის "ვიქტორია"
ამსტერდამის "აიაქსი" - "ასტონ ვილა"
"მიოლდე" - "ბრიუგე"
"როიალ უნიონ სენტ-ჟილი" - "ფენერბაჰჩე"
ზაგრების "დინამო" - "პაოკი"
გრაცის "შტურმი" - "ლილი"
"მაკაბი ჰაიფა" - "ფიორენტინა"
"ოლიმპიაკოსი" - თელ-ავივის "მაკაბი"
უეფას ევროპის კონფერენს ლიგის პირველი მატჩები 7 მარტს, ხოლო საპასუხო 14-ში გაიმართება.