კომოს ფანები: "თქვენ რა იცით თავგანწირვის, ნუ იქნებით მარიონეტები"

1 თვის წინ ფეხბურთი

1 წთ

ჩვენ კლუბის განცხადებები ჩუმად და პატივისცემით წავიკითხეთ, თუმცა ზოგიერთ შემთხვევაში დუმილი შეუძლებელია. ახლა ჩვენ ხმამაღლა ვამბობთ!

ძვირფასო პრეზიდენტო და კლუბო, ახლა უკვე ვიცით თქვენი პოზიცია მილანი-კომოს მატჩთან დაკავშირებით პერტში - წავიკითხეთ სასიამოვნო სიტყვები: „საერთო სიკეთის“, „ზრდის“ და „აუცილებელი მსხვერპლის“ შესახებ. კარგი, მაშინ მოდით ამაზე ვისაუბროთ.

უპირველეს ყოვლისა, გმადლობთ თქვენი ამბიციისთვის, იმ სამუშაოსთვის, რომელსაც აკეთებთ კომოს ცნობადობის ასამაღლებლად, თქვენი სურვილისთვის, რომ დიდება მოუტანოთ ჩვენს ქალაქს. ყველაზე მეტად ვამაყობთ, როდესაც ჩვენი მაისური პოპულარობას იძენს.

მაგრამ არის ერთი პატარა დეტალი, რომელიც, როგორც ჩანს, თქვენი ყურადღების მიღმა დარჩა: კომო თავისი ხალხის გარეშე კომო არ არის. თქვენ თავგანწირვაზე აბსტრაქტულ ცნებად საუბრობთ, მაგრამ ჩვენთვის თავგანწირვა ყოველდღიური ცხოვრებაა. ჩვენ მთელი კვირა ვმუშაობთ, კვირაობით კი ასობით კილომეტრს გავდივართ მატჩებზე დასასწრებად, ყველაფერს საკუთარი ჯიბიდან ვიხდით და არავისგან არაფერს ვითხოვთ.

ჩვენ სერია D-ს მატჩებზე ვყოფილვართ, სტადიონებზე, რომლებსაც GPS-იც კი ვერ პოულობდა და ყოველთვის იქ ვიქნებით, სადაც არ უნდა თამაშობდეთ ამ მაისურით. ამიტომ ნუ აგვიხსნით, რას ნიშნავს „საერთო სიკეთისთვის თავგანწირვა".

ყოველ ჯერზე, როცა რიგს ვიკავებთ, შარფს ვწევთ და ვმღერით, მაშინაც კი, როცა ვმარცხდებით და როდესაც გვეუბნებიან, რომ სახლიდან 14 000 კილომეტრში ერთი თამაშისთვის „ისევ უნდა გავწიროთ თავი“, ეს დიდად პატივისცემით არ ჟღერს.

შესაძლოა, ზოგიერთს დაავიწყდა, რომ ფეხბურთი ადამიანებისგან იბადება და არა მარკეტინგული სტრატეგიებისგან. რომ გულშემატკივრების გარეშე, ნამდვილი ვნების გარეშე, არ არსებობს ზრდა, მომავალი, ლიგაც კი არ არის გადასარჩენი.

ჩვენი რწმენა ბიზნეს კლასით არ მგზავრობს. ის აქ რჩება, ტრიბუნებზე, წვიმასა და სიცივეში, გუნდებსა და დროშებს შორის. ის კომოში რჩება, სადაც ჩვენი გუნდის გული დევს.

პატივისცემით, მაგრამ მტკიცედ ვაცხადებთ: ჩვენ არ ვიღებთ თავგანწირვის გაკვეთილებს მათგან, ვისაც არასდროს უცხოვრია ჩვენი ცხოვრებით. გამოიჩინეთ სიამაყე, პატივისცემა და ღირსება და არ მიიღოთ ეს „მოწვევა“. ვნებას ვერ იყიდი.

ფასდაუდებელია იმის ყურება, თუ როგორ მღერიან თქვენი გულშემატკივრები და როგორ უბიძგებენ გუნდს გამარჯვებისკენ. ყველას მოვუწოდებთ, არ მიიღონ მონაწილეობა ამ ჯამბაზების შოუში. ნუ იქნებით მარიონეტები. - ნათქვამია Curva Como 1907-ის გულშემატკივართა ჯგუფის განცხადებაში.

რომა დევიძე

სხვა სტატიები

კასანო: ,,გახსოვთ, რას ვამბობდი მოურინიოზე? ალეგრის დროც მალე მოვა''

თაზო ერისთავი

3 დღის წინ ფეხბურთი

დე როსი ბრუნდება | რომას ლეგენდას იტალიური გუნდი ჩააბარეს

ამირან შაიშმელაშვილი

4 კვირის წინ ფეხბურთი