კლოპი: "თუკი MU-ს ქომაგები მატჩს ჩაშლიან, 3 ქულა უნდა მივიღოთ"
1 წლის წინ
ფეხბურთი
3 წთ
“არსებულ სიტუაციასთან დაკავშირებით, ჩვენ არაფერი გვესაქმება. იმედი მაქვს, არაფერი მოხდება, მაგრამ წინააღმდეგ შემთხვევაში, ჩვენ 3 ქულა უნდა მივიღოთ. თუკი გულშემატკივარს სურს, რომ მატჩი არ ჩატარდეს, მაშინ ისედაც ურთულეს, გადატვირთულ კალენდარში, ცვლილებებს ვერ შევიტანთ", - თქვა მერსისაიდელთა ხელმძღვანელმა.ცნობილია, რომ მანჩესტერის პოლიციას უსაფრთოების დამატებითი ზომები ჯერ არ მიუღია.
The 1958: MU-ს იატაკქვეშა დაჯგუფება
The 1958 წარმოადგენს MU-ს ქომაგების გაერთიანებას რომელსაც საკუთარ აღწერილობაში შემდეგი რამ უწერია: "იატაკქვეშა ჯგუფი, რომლის მიზანია მანჩესტერ იუნაიტედის ღირებულებების, კულტურისა და ტრადიციების წინ წამოწევა". ცნობილია, რომ მატჩის დაწყებამდე 1 საათით ადრე, The 1958 საპროტესტო აქციას გეგმავს."ჩვენ გვაქვს ჩვენი აზრი და კლუბის მფლობელებს გულშემატკივრების ემოციების გათელვის უფლებას არ მივცემთ. ისინი მცდარ გზაზე დგანან, ანგრევენ დიდი კლუბის ისტორიას, კულტურასა და ტრადიციას. The 1958 განზე ვერ დადგება - ჩვენი ერთადერთ მიზანს კლუბის სათავეში სათანადო ადამიანების ყოფნა წარმოადგენს, რომლებიც მთლიანად საფეხბურთო წარმატებაზე იქნებიან ორიენტირებულები. შემოგვიერთდით, რათა ყველამ ნახოს, რომ გლეიზერების ატანას აღარ ვაპირებთ", - წერია განცხადებაში.შეგახსენებთ, მატჩი ორშაბათს, თბილისის დროით 22:30-ზე დაიწყება.
სხვა სტატიები
