კილიან მბაპე: "მედია გრიზმანს კლავს, ის კრიტიკას არ იმსახურებს"

კილიან მბაპემ, პორტუგალიასთან ხვალინდელი მატჩის წინ, პრესკონფერენცია გამართა. ფრანგმა კიდევ ერთხელ აღიარა, რომ კრიშტიანუ რონალდუ მისთვის ყოველთვის იყო მთავარი მისაბაძი მაგალითი, მაგრამ უპირველეს ყოვლისა მისი საუბრის დიდი ნაწილი ანტუან გრიზმანს შეეხო. მბაპემ გრიზმანი მიდიისა და გულშემატკივრების კრიტიკისგან დაიცვა, თუმცა ისიც აღნიშნა, რომ ფრანგებს ჯერ საუკეთესო ფეხბურთის ჩვენება უჭირთ.

ევრო 2024-ის მეოთხედფინალში საფრანგეთის ნაკრები პორტუგალიას დაუპირისპირდება. ფრანგებმა ჯგუფში მეორე ადგილი დაიკავეს და 1/8 ფინალში ბელგიის დამარცხება (1:0) შეძლეს, პორტუგალიელები კი, რომლებიც ჯგუფში საქართველოსთან ერთად იმყოფებოოდნენ, პლეი ოფში სლოვენიას პენალტების სერიით გასცდნენ.