ხავიმ ლევერკუზენი უარით გაისტუმრა

მთავარი მწვრთნელის გაშვების შემდეგ, ლევერკუზენი ხავის კანდიდატურას განიხილავდა. აღნიშნულ ინფორმაციას BILD ადასტურებდა.

მიუხედავად გერმანული კლუბის ინტერესისა, ესპანელმა სპეციალისტმა გუნდის დირექტორი სიმონ როლფსი უარით გაისტუმრა. როგორც MARCA წერს, ბარსელონას ყოფილმა მწვრთნელმა "ფარმაცევტებს" უარი ორჯერ უთხრა.

შეგახსენებთ, რომ ლევერკუზენს ერიკ ტენ ჰაგი წვრთნიდა. ნიდერლანდელმა სულ რაღაც ორ მატჩში უხელმძღვანელა გუნდს და მაინც გაუშვეს. როგორც კლუბის დირექტორი ამბობდა, ამ გეგმით გუნდის სწორად განვითარება შეუძლებელი იყო.