ხავი სიმონსის ტრანსფერით ბაიერნი ინტერესდება

,,პარი სენ ჟერმენის'' შემტევმა, ხავი სიმონსმა, რომელმაც გასული სეზონი იჯარით ,,ლაიფციგში'' გაატარა, კარიერა, შესაძლოა, მიუნხენის ,,ბაიერნში'' გააგრძელოს. ინფორმაციას Sky Sport ავრცელებს.

გამოცემის ცნობით, 21 წლის ნახევარმცველი ,,რეკორდმაისტერის'' ერთ-ერთი მთავარი სატრანსფერო სამიზნეა. მისი გადაბირება კლუბის სპორტულ დირექტორს, მაქს ებერლს სურს, რომელიც ფეხბურთელის ,,ლაიფციგში'' გადასვლაზეც მუშაობდა.

სიმონსის სატრანსფერო ღირებულება დაახლოებით 60-70 მილიონი ევროა.

გასულ სეზონში ნიდერლანდელმა ,,ლაიფციგის'' მაისურით ჩატარებულ 43 შეხვედრაში 10 გოლი გაიტანა და 15 საგოლე გადაცემა მიითვალა.