ხავი პრემიერ ლიგის გუნდს დაუკავშირეს - ესპანელი ლონდონურ გუნდს შესაძლოა უახლოეს მომავალში შეუერთდეს
ტოტენჰემის მთავარ მწვრთნელად შესაძლოა ლეგენდარული, ბარსელონას ყოფილი ფეხბურთელი ხავი ერნანდესი დაინიშნოს. სხვადასხვა წყაროს ინფორმაციით, ლონდონური გუნდის ხელმძღვანელობა ტომას ფრანკის მუშაობით უკმაყოფილოა და მის გათავისუფლებას აქტიურად განიხილავს, ყველაზე რეალურ კანდიდატურად კი როგორც უკვე ვთქვით ესპანელი სპეციალისტი მოიაზრება.
ინფორმაციაში ნათქვამია, რომ ტოტენჰემის სპორტული დირექტორი ფაბიო პარატიჩი მზადაა ხავისთან მოლაპარაკებების დასაწყებად და შეიძლება ყველაფერი ძალიან მალე გაოფიციალურდეს.
ტოტენჰემს ცუდი პერიოდი უდგას, რადგან ბოლო 7 პრემიერლიგური მატჩიდან მათ მხოლოდ ერთი შეხვედრის მოგება მოახერხეს და ამჟამად მე-11 პოზიციაზე იმყოფებიან (6 მოგება, 4 ფრე, 6 მარცხი).
🚨 Tottenham Hotspur are considering replacing under-pressure manager Thomas Frank with former Barcelona boss Xavi.
— Transfer News Live (@DeadlineDayLive) December 15, 2025
The board had hoped for a more consistent and competitive season, but the results haven't been there and the team's style of play hasn't convinced the fans.… pic.twitter.com/OqPeJ9SbRL
შეგახსენებთ, რომ ხავი თავდაპირველად კატარულ კლუბ ალ სადში მუშაობდა, ხოლო შემდეგ ბარსელონაში გადაბარგდა, სადაც 2024 წლამდე მუშაობდა.
სამწვრთნელო კარიერის განმავლობაში ესპანელმა სპეციალისტმა თითო-თითოჯერ მოიგო: ესპანეთის თასი, ესპანეთის სუპერთასი, კატარის ჩემპიონატი და კატარის ვარსკვლავების თასი. 2-2-ჯერ კი კატარის თასისა და კატარის ლიგის თასის გამარჯვებული გახდა.
.70.webp)
