ხაბი ალონსოს ლევერკუზენმა გუნდის რეკორდი გაიმეორა
ევროპა ლიგის ჯგუფური ეტაპის მე-5 ტურში ,,ლევერკუზენმა'' ,,ჰაკენი'' სტუმრად 2:0 დაამარცხა.
ხაბი ალონსოს გუნდმა ევროპა ლიგის მიმდინარე სეზონში ზედიზედ მე-5 მატჩი მოიგო, რაც ევროტურნირებზე კლუბის ისტორიაში სულ მეორე შემთხვევაა (პირველად ასეთი რამ უეფას თასის 1994-1995 წლების სეზონში მოხდა).
14 დეკემბერს ,,ბაიერი'' ევროპა ლიგის ბოლო ტურში ,,მიოლდეს'' უმასპინძლებს და გამარჯვების შემთხვევაში, რეკორდსაც გააუმჯობესებს.
მიმდინარე სეზონში ,,ლევერკუზენს'' ყველა ტურნირზე ზედიზედ 14 მოგება აქვს - ბუნდესლიგის ლიდერები მომავალ მატჩს კვირას, 3 დეკემბერს, ,,დორტმუნდის'' წინააღმდეგ გამართავენ.
5 - Bayer 04 Leverkusen have won all five games in the Europa League this season - these five consecutive victories in a major European competition have equalled a club record, with this a feat they previously achieved in the 1994-95 UEFA Cup. Maximum. #BKHB04 pic.twitter.com/BDWBLjO81g
— OptaFranz (@OptaFranz) November 30, 2023