კარლოს ტევესი არგენტინული გუნდის მთავარ მწვრთნელად დაინიშნა
არგენტინის ეროვნული ნაკრების ყოფილი ფეხბურთელი, კარლოს ტევესი ,,როსარიო სენტრალის'' მთავარი მწვრთნელი გახდა. ინფორმაციას კლუბის ოფიციალური ვებგვერდი ავრცელებს. ტევესმა ,,როსარიო სენტრალთან'' 1-წლიანი კონტრაქტი გააფორმა. არგენტინელს ჯერჯერობით სამწვრთნელო კურსები გავლილი არ აქვს, ამიტომ ოფიციალურ ოქმებში ის მთავარ მწვრთნელად მოხსენიებული არ იქნება. ტევესის საფეხბურთო კარიერა წელს დასრულდა. თავდამსხმელი სხვადასხვა დროს ,,კორინთიანსში'', ,,ვესტ ჰემში'', ,,მანჩესტერ იუნაიტედში'', ,,მანჩესტერ სიტიში'', ,,იუვენტუსში'', ,,შანხაი შენხუასა'' და ,,ბოკა ხუნიორსში'' თამაშობდა. არგენტინის ჩემპიონატის 4 ტურის შემდეგ, ,,როსარიო სენტრალს'' 4 ქულა აქვს და სატურნირო ცხრილის 22-ე პოზიციაზეა.
📝😄 ¡Carlos Tévez es el DT de #RosarioCentral! El Apache se convirtió en el nuevo entrenador auriazul, tras firmar contrato con el Club por 12 meses. Carlos "el Chapa" Retegui, será integrante de su cuerpo técnico.#VamosCanalla 💪🏼🇺🇦 pic.twitter.com/5APtaJjtiX — Rosario Central (@RosarioCentral) June 21, 2022