"კარიერის ბოლოს აუცილებლად ვისაუბრებ იმ დღეს მომხდარ სიტუაციაზე" - დავიდ დე ხეა

4 თვის წინ ფეხბურთი

1 წთ

ფიორენტინას ესპანელმა მეკარემ დავიდ დე ხეამ 2015 წლის ამბავი გაიხსენა, როდესაც მანჩესტერ იუნაიტედიდან რეალ მადრიდში უნდა გადასულიყო. აღნიშნული ტრანსფერი თითქმის დასრულებული იყო, მაგრამ ბოლო მომენტში უცნაურად ჩაიშალა. მადრიდულმა გუნდმა ისეთი ანაზღაურებაც შესთავაზა ფეხბურთელს, რომელზეც დე ხეა თანახმა იყო, მაგრამ დოკუმენტებთან დაკავშირებით პრობლემა შეიქმნა და ტრანსფერი ჩაიშალა, ზუსტი მიზეზი დღემდე უცნობია.

Cronache Di Spogliatoio-სთან ინტერვიუში დე ხეას სწორედ ამ ფაქტის შესახებ ჰკითხეს, ასევე ისაუბრა იმ 1-წლიან შესვენებაზე, რომელიც მას კარიერის განმავლობაში ჰქონდა, სანამ ფიორენტინაში გადავიდოდა:

კარიერის ბოლოს აუცილებლად ვისაუბრებ იმ დღეს მომხდარ სიტუაციაზე. როდესაც გარკვეული რამ ხდება, ამას გარკვეული ტიპის მიზეზი აქვს. მე მანჩესტერში დავრჩი და ამით ბედნიერი ვიყავი. ინგლისურ გუნდში ჩემი წასვლის წყალობით ტიბო კურტუამ ატლეტიკო მადრიდში თავი დაიმკვიდრა, მან ძალიან კარგად ითამაშა და მისი ამ წარმატებით ძალიან ბედნიერი ვარ.

ინგლისიდან შემოთავაზებებზე უარი ვთქვი, რადგან ამდენი წლის განმავლობაში ისეთ კლუბში გატარების შემდეგ, როგორიც იუნაიტედია, გრძნობ, რომ ინგლისში სხვა კლუბში თამაში აღარ გსურს.

მხოლოდ მანჩესტერ იუნაიტედი მინდოდა. მართალია, რომ ინგლისიდან შემოთავაზებები მივიღე, მაგრამ ვიცოდი, რომ სხვაგან თამაში შეუძლებელი იქნებოდა. მთელი ცხოვრება იქ გავატარე, ეს ის კლუბია, რომელმაც ჩამომაყალიბა და შესანიშნავი კარიერის საშუალება მომცა.

ვიგრძენი, რომ დასვენებისა და კიდევ უფრო ძლიერი დაბრუნების დრო იყო. ხალხი მეკითხებოდა: „როდის დაბრუნდები?“ ყველას ვამშვიდებდი: „კარგად ვარ, დავბრუნდები“. ნორმალური იყო, რომ ხალხს ერთწლიანი პაუზის შემდეგ გარკვეული ეჭვები ჰქონოდა, მაგრამ დარწმუნებული ვიყავი, რომ ერთი ან ორი თამაშის შემდეგ ძველ ფორმას დავუბრუნდებოდი. - დავიდ დე ხეა - ფიორენტინას ფეხბურთელი

ზაალ ჩიხლაძე

სხვა სტატიები

ონანა ძლივს გაუშვეს - კამერუნელი მეკარე ტრაბზონსპორში ითამაშებს

გიორგი მამარდაშვილის მოგერიება თვის საუკეთესოებში მოხვდა