კამავინგამ ნკუნკუ დააზიანა | 25 წლის ფორვარდი მუნდიალს გამოტოვებს VIDEO
საფრანგეთის ნაკრების ფორვარდი კრისტოფერ ნკუნკუ, ვარჯიშზე მიღებული ტრავმის გამო, მუნდიალს გამოტოვებს.
ახალგაზრდა ფორვარდს დაზიანება მისმა თანაგუნდელმა ედუარდ კამავინგამ მიაყენა, რომელიც ნკუნკუსთვის საბედისწერო აღმოჩნდა.
Here is how Christopher Nkunku got his injury moments ago. (RMC) pic.twitter.com/UNOiiVVOMM
— Get French Football News (@GFFN) November 15, 2022
25 წლის ფეხბურთელმა "ლაიფციგის" რიგებში კარგი სეზონი ჩაატარა. ფრანგმა ბუნდესლიგის 15 მატჩში 12 გოლი გაიტანა.
კრისტოფერის დებიუტი ნაკრებში ამ წლის დასაწყისში შედგა, მას "ლე ბლეში" სულ რვა მატჩი აქვს ჩატარებული.
დიდიე დეშამს მსოფლიო ჩემპიონატისთვის არაერთი მოთამაშე დააკლდა. ყატარში მის გუნდს ნგოლო კანტე, პოლ პოგბა, პრენსელ კიმპემბე და ახლა უკვე ნკუნკუც ვეღარ დაეხმარება. ამ უკანასკნელის ნაცვლად, დეშამმა "აინტრახტის" თავდამსხმელი რანდალ კოლო მუანი გამოიძახა.
Randal Kolo Muani has got a late call-up for the @equipedefrance! 🇫🇷
— Eintracht Frankfurt (@eintracht_eng) November 16, 2022
The attacker is replacing the injured Christopher Nkunku in France's World Cup squad.
Best of luck, Randal! 💪#SGE pic.twitter.com/pJnHkRCiCx
საფრანგეთის ნაკრები მსოფლიო ჩემპიონატზე D ჯგუფში ავსტრალიის, დანიისა და ტუნისის ნაკრებებთან ერთად იასპარეზებს. დეშამის გუნდი პირველ შეხვედრას 22 ნოემბერს, ავსტრალიიის წინააღმდეგ გამართავს.
სხვა სტატიები
