"ჯენოას ახალი მთავარი მწვრთნელი პატრიკ ვიეირა იქნება" - Sky Sport Italia

Sky Sport Italia-სა და სატრანსფერო ექსპერტის მატეო მორეტოს ცნობით, "ჯენოას" ახალ მთავარ მწვრთნელად პატრიკ ვიეირა დაინიშნა. იტალიურმა გუნდმა გადაწყვიტა, რომ ალბერტო ჯილარდინო გაათავისუფლოს და მის მაგივრად ფრანგი სპეციალისტი დანიშნოს, ჯერჯერობით კლუბს ეს ინფორმაცია ოფიციალურად არ დაუდასტურებია.

პატრიკ ვიეირას უკვე ვრცელი სამწვრთნელო კარიერა აქვს, ის თავდაპირველად "მანჩესტერ სიტის" ახალგაზრდული გუნდების მწვრთნელი იყო, შემდეგ "ნიუ იორკ სიტის", "ნიცას", "კრისტალ პალასს" და ბოლოს "სტრასბურგს" წვრთნიდა, ფრანგული გუნდის მთავარი მწვრთნელის პოსტი მან წელს ზაფხულში დატოვა.

"ჯენოას" მიმდინარე სეზონში 10 ქულა აქვს და მე-10 ადგილს იკავებს, 12 ტურის შემდეგ მათ 2 მოგება, 4 ფრე და 6 წაგება დაუგროვდათ.