ჯეიმი კარაგერი უპატივცემულობის გამოვლენაში დაადანაშაულეს

"ნიუკასლთან" გამართული მატჩის შემდეგ, ჯეიმი კარაგერი მოჰამედ სალაჰს ესაუბრა და გულშემატკივრების აზრით, უპატივცემულობა გამოავლინა.

პრემიერ ლიგის მე-20 ტურის მატჩში, "ლივერპულმა" "ნიუკასლს" უმასპინძლა და 4:2 დაამარცხა. მატჩის საუკეთესო მოთამაშე მოჰამედ სალაჰი გახდა, რომელმაც მართალია პენალტი ვერ გაიტანა, მაგრამ თავი დუბლითა და საგოლე გადაცემით გამოიჩინა.

მო სალაჰი ბრწყინვალე ფორმაში იმყოფება და პრემიერ ლიგის მიმდინარე სეზონში გატანილი 14 გოლითა და 8 საგოლე გადაცემით, ბომბარდირთა დავას უდგას სათავეში. მიუხედავად ამისა, "ლივერპულს" გარკვეული პერიოდი სალაჰის გარეშე მოუწევს ასპარეზობა, რადგან სალაჰი აფრიკის ერთა თასზე საასპარეზოდ მიემგზავრება.

აღნიშნულთან დაკავშირებით კარაგერმა სალაჰს კითხვა დაუსვა და გულშემატკივრები მიიჩნევენ, რომ ჯეიმიმ უპატივცემულობა გამოავლინა.

კარაგერის კითხვას სოციალურ ქსელებში გულშემატკივრები გამოეხმაურნენ, რომელთაც აღნიშნეს, რომ კარაგერმა სალაჰისა და ეგვიპტის ნაკრების მიმართ უპატივცემულობა გამოავლინა. ფანები მიიჩნევენ, რომ კარაგერმა სალაჰს ჰკითხა, თუ როდოს გამოეთიშება ეგვიპტე აფრიკის ერთა თასს.