იულიან დრაქსლერმა ალ აჰლისთან 2-წლიანი კონტრაქტი გააფორმა

,,პარი სენ ჟერმენის'' ყოფილი ნახევარმცველი, იულიან დრაქსლერი კარიერას ,,ალ აჰლიში'' გააგრძელებს.

გერმანელმა კატარულ გუნდთან დღეს 2-წლიან კონრაქტს მოაწერა ხელი, პარიზელებმა კი მის სანაცვლოდ 20 მილიონი ევრო მიიღეს.

დრაქსლერი ,,პსჟ-ში'' 2017 წლიდან თამაშობდა. 29 წლის ფეხბურთელმა გასული სეზონი იჯარით ,,ბენფიკაში'' გაატარა და 18 შეხვედრაში 2 გოლი გაიტანა.

,,ალ აჰლისთვის'' კატარის ჩემპიონატის ახალი სეზონი ცუდად დაიწყო - გუნდს 3 ტურის შემდეგ 3 მარცხი აქვს და უქულოდაა.