იტალიას მსოფლიო ჩემპიონატამდე ერთი ნაბიჯი აშორებს | ვინ ვის ხვდება პლეი-ოფის ფინალში?

იტალიის ეროვნულმა ნაკრებმა მსოფლიო ჩემპიონატის შესარჩევი ეტაპის პლეი-ოფის ნახევარფინალში ჩრდილოეთ ირლანდია 2:0 დაამარცხა და ფინალში გავიდა, სადაც ბოსნიას დაუპირისპირდება. თავის მხრივ, ბოსნიელებმა უელსს სტუმრად პენალტების სერიაში მოუგეს.

მოულოდნელი შედეგი დაფიქსირდა სლოვაკეთში, სადაც კოსოვომ მეტოქე 4:3 დაამარცხა, გადამწყვეტი ბრძოლა კი ბალკანელებს თურქეთის ნაკრებთან ელით.

• თურქეთი 1:0 რუმინეთი

• ჩეხეთი 3:2 ირლანდია (პენალტების სერია)

• დანია 4:0 ჩრდ. მაკედონია

• იტალია 2:0 ჩრდ. ირლანდია

• პოლონეთი 2:1 ალბანეთი

• სლოვაკეთი 3:4 კოსოვო

• უკრაინა 1:3 შვედეთი

• უელსი 1:2 ბოსნია (პენალტების სერია)

  

სამშაბათი, 31 მარტი - მსოფლიო ჩემპიონატის საკვალიფიკაციო ეტაპის პლეი-ოფის ფინალური მატჩები:

• ბოსნია - იტალია (ზენიცა)

• ჩეხეთი - დანია (პრაღა)

• კოსოვო - თურქეთი (პრიშტინა)

• შვედეთი - პოლონეთი (სტოკჰოლმი)

გუშინ გაიმართა კონტინენტთაშორისი პლეი-ოფის ნახევარფინალური შეხვედრებიც - ბოლივიამ სურინამი 2:1 დაამარცხა, იამაიკამ კი ახალ კალედონიასთან 1:0 იმარჯვა.

შედეგად, პლეი-ოფის ფინალში ბოლივიის მეტოქე ერაყი იქნება, იამაიკა კი კონგოს დემოკრატიულ რესპუბლიკას დაუპირისპირდება (ორივე მატჩი მექსიკაში გაიმართება).

პირველ 48-ნაკრებიან მსოფლიო ჩემპიონატს 2026 წელს ამერიკის შეერთებული შტატები, მექსიკა და კანადა უმასპინძლებენ. ტურნირი 11 ივნისს დაიწყება და 19 ივლისს დასრულდება.