ისტორიაში პირველად... - კრიშტიანუ რონალდუსთვის EURO2024 ცუდად მიმდინარეობს
ევროპის ჩემპიონატის ჯგუფური ეტაპის დასკვნითი ტურის შეხვედრაში საქართველოს ეროვნულმა ნაკრებმა პორტუგალია 2:0 დაამარცხა და მერვედფინალის საგზური გაიფორმა.
საკმაოდ ცუდი მატჩი ჰქონდა მსოფლიო ფეხბურთის ვარსკვლავს და ყველა დროის ერთ-ერთ საუკეთესო ფეხბურთელს - კრიშტიანუ რონალდუს, რომელმაც საქართველოს ნაკრების წინააღმდეგ მხოლოდ ერთადერთხელ შეძლო კარში დარტყმა.
ევროპის ჩემპიონატის ჯგუფური ეტაპი დასრულებულია, კრიშტიანუ რონალდუს კი ჯერჯერობით კვლავ არ აქვს გოლი გატანილი და ეს მისთვის უკვე ანტირეკორდია, კერძოდ - 39 წლის პორტუგალიელმა ფორვარდმა, კარიერაში პირველად ვერ შეძლო დიდ საერთაშორისო შეჯიბრებში, ჯგუფურ ეტაპზე გოლის გატანა.
⛔️ Ronaldo leaves in frustration after 65 minutes, having been denied a penalty in the first half.
— MessivsRonaldo.app (@mvsrapp) June 26, 2024
In his 11th major tournament, it's the first time Ronaldo has failed to score in the group stage.
Group Stage Goals
2004 EC ⚽️
2006 WC ⚽️
2008 EC ⚽️
2010 WC ⚽️
2012 EC ⚽️⚽️
2014… pic.twitter.com/2dEBQf11vO
შეგახსენებთ, რომ კრიშტიანუ რონალდუს 2024 წლის ევროპის ჩემპიონატამდე, 2004 წლის ევროპის ჩემპიონატიდან მოყოლებული, 2022 წლის მსოფლიო ჩემპიონატით დასრულებული, ყველა შეჯიბრზე ჰქონდა ჯგუფურ ეტაპზე გოლი გატანილი.
რონალდუს ზედიზედ 10 საერთაშორისო შეჯიბრის ჯგუფურ ეტაპზე ჰქონდა გოლი გატანილი, 2024 წლის ევროპის ჩემპიონატი კი გამონაკლისი აღმოჩნდა.
შეგახსენებთ, რომ პორტუგალიის ნაკრები ევროპის ჩემპიონატის 1/8-ფინალში სლოვაკეთს დაუპირისპირდება. მატჩი 1 ივლისს, თბილისის დროით 23:00 საათზე გაიმართება.
სხვა სტატიები
