ისევ მაღალი შეფასება - ეგოიანმა პსვ-სთან საგოლე გადაცემა შეასრულა

ნიდერლანდების ჩემპიონატის მეორე ტურში, ექსელსიორმა მოქმედ ჩემპიონს, პსვ-ს უმასპინძლა და 1;2 დამარცხდა. მიუხედავად სტუმრების უდიდესი უპირატესობისა, ექსელსიორი ბოლო წუთამდე ინარჩუნებდა მატჩის გადარჩენის შანსს.

ირაკლი ეგოიანმა შეხვედრა სრულად ჩაატარა - ქართველმა 54-ე წუთზე საგოლე გადაცემით გაატანინა ცენტრალურ მცველს, კასპერ ვიდელს, თუმცა 2 წუთში პსვ-მ მაინც მოახერხა გამარჯვების გოლის გატანა.

ექსელსიორის შემადგენლობაში საუკეთესო შეფასება სწორედ გოლის ავტორმა მიიღო - მან მინიმალურად აჯობა ეგოიანს, რომლის შეფასებაც 7.1-დან 7.6-დეა (SOFASCORE-სა და WHOSCORED-ის მიხედვით).

გასულ ორ ტურში, ეგოიანის ანგარიშზე უკვე გოლი და 2 საგოლე გადაცემაა.

შემდეგ ტურში, ექსელსიორი სტუმრად ნაიმეგენს დაუპირისპირდება.