"ისეთივე უფერული, როგორც მთელი გუნდი" | იტალიური მედია კვარაცხელიაზე

ვალტერ მაცარის გუნდმა 2024 წელი ისევე საშინლად დაიწყო, როგორც გასული წელი დაამთავრა. ნაპოლი გასვლით შეხვედრაში ტორინოსთან 0:3 განადგურდა. ჩემპიონებს მე-19 ტურის შემდეგ მხოლოდ 28 ქულა აქვთ და იტალიის ჩემპიონატის მე-9 პოზიციაზე იმყოფებიან.

მთელი თამაშის განმავლობაში გუნდის მომენტების გახსენება თითქმის შეუძლებელია, ყველაზე კარგი შანსი 0:0-ზე რასპადორის ჰქონდა, თუმცა მეკარეს ვერ აჯობა და ამის შემდეგ ნაპოლის არაფერი შეუქმნია. ამას ემატება ისიც, რომ დაცვაში გუნდი საშინლად გამოიყურება, შედეგად ბევრს უშვებენ და თავად უკვე მე-4 მატჩია გოლი ვერ გააქვთ.

ხვიჩა კვარაცხელიამ სერია A-ს მიმდინარე სეზონში 18 მატჩი ჩაატარა, 5 გოლი გაიტანა და 3 საგოლე გადაცემა გააკეთა. ნაპოლი მომდევნო შეხვედრას შინ, 13 იანვარს, სალერნიტანას წინააღმდეგ ჩაატარებს.