"ის ლიონის ლიდერი უნდა გამხდარიყო, მაგრამ..." - ტოლისო მიქაუტაძეზე

სატრანსფერო ფანჯრის უკანასკნელ დღეს ვილიარეალმა 35 მილიონი ევროს სანაცვლოდ გიორგი მიქაუტაძე შეიძინა.

მიქაუტაძე მშობლიურ კლუბში თამაშობდა და ალექსანდრ ლაკაზეტის წასვლის შემდეგ, ლიონის ერთპიროვნული ლიდერიც უნდა გამხდარიყო - აღნიშნულიდან გამომდინარე, ტრანსფერი ბევრისთვის მოულოდნელი იყო, მაგრამ მძიმე ფინანსურ მდგომარეობაში მყოფ ლიონს სხვა გამოსავალი არ ჰქონდა.

გიორგი მიქაუტაძის ტრანსფერს ლიონის ერთ-ერთი ვარსკვლავი, კორენტინ ტოლისო გამოეხმაურა, რომელმაც გაკვირვება ვერ დამალა. ტოლისოს ინტერვიუს Goal.com ავრცელებს.

ვილიარეალში მიქაუტაძემ 9-ნომრიანი მაისური მოირგო და კერამიკაზე მისი დებიუტი დიდი ალბათობით, 21 სექტემბერს, ოსასუნასთან მატჩში შედგება. 14 სექტემბერს კი ვილიარეალს გასვლითი მატჩი ატლეტიკოს წინააღმდეგ აქვს ჩასატარებელი.