ირაკლი ეგოიანი სეზონის საუკეთესო მოთამაშედ დასახელდა

საქართველოს 21-წლამდე ნაკრების ფეხბურთელი, ირაკლი ეგოიანი "ვიტესის" სეზონის საუკეთესო მოთამაშედ დაასახელეს. 21 წლის შემტევმა მიმდინარე სეზონის 37 შეხვედრაში მიიღო მონაწილეობა, სადაც 9 გოლი გაიტანა და 5 საგოლე გადაცემა გააკეთა.

"ვიტესმა" მიმდინარე სეზონი "დენ ბოსხთან" 3:1 გამარჯვებით დაასრულა, ეგოიანმა კი მატჩი ძირითად შემადგენლობაში დაიწყო და 89-ე წუთზე შეცვალეს.

არნემის გუნდი ნიდერლანდების საფეხბურთო ჩემპიონატის რანგით მე-2 ლიგაში ასპარეზობს, მათ მიმდინარე სეზონში 11 მოგება, 11 ფრე და 16 მარცხი ჰქონდათ, მაგრამ ფინანსური დარღვევის გამო მათ 39 ქულა ჩამოაკლდათ და საბოლოოდ 5 ქულით ბოლო ადგილი დაიკავეს.