ინიგო მარტინესი ბარსელონადან საუდის არაბეთში წავიდა

ესპანელმა ცენტრალურმა მცველმა, ინიგო მარტინესმა, ბარსელონასთან კონტრაქტი აღარ გააგრძელა და თავისუფალი აგენტის სტატუსით, საუდის არაბეთის კლუბს, ალ ნასრს შეუერთდა.

ალ ნასრში გადასვლის შემდეგ, ინიგომ ინსტაგრამზე ბარსელონას მაისურით გატარებული საუკეთესო მომენტების ვიდეო გამოაქვეყნა და გულშემატკივრებს თბილად დაემშვიდობა.

მარტინესი ბარსელონაში 2023 წელს, ბილბაოს ატლეტიკიდან გადავიდა. მან ბლაუგრანას შემადგენლობაში 71 მატჩი ჩაატარა და კლუბს 2024/25 წლების ლა ლიგისა და კოპა დელ რეის ტიტულების მოგებაში დაეხმარა. გასულ სეზონში, სათამაშო ხარისხით, ერთ-ერთი გამორჩეული იყო ბარსას შემადგენლობაში.