იმობილე და მილინკოვიჩ-სავიჩი კვლავ ერთად?! - არაბებმა ჩიროს სუპერკონტრაქტი შესთავაზეს
საუდის არაბეთის კლუბმა "ალ-ჰილალმა" მილინკოვიჩ-სავიჩის დამატების შემდეგ, "ლაციოს" ლიდერს, 33 წლის - ჩირო იმობილეს, ოფიციალური შეთავაზება გაუკეთა.
ცნობილი არაბი სპორტული ჟურნალისტის ინფორმაციით, "ალ-ჰილალი" ჩირო იმობილეს წელიწადში 15 მილიონს + ხელმოწერის ბონუსს 5 მილიონ ევროს სთავაზობს, რაც 33 წლის ვეტერანი ფეხბურთელისთვის, საკმაოდ სოლიდური თანხაა.
🚨🚨🚨🚨🚨🚨🚨🚨🚨
— Osama 🇸🇦 (@Siiros2) July 13, 2023
عاجل - @zlatan_gh :
فريق سعودي اتفق مع إيموبيلي على كافة الشروط الشخصية، وتشمل راتب سنوي بمبلغ أقل من 15 مليون يورو بقليل & مكافأة توقيع بمبلغ 5 مليون يورو
الصفقة الآن متوقفة على موافقة الوزارة لتمويل مبلغ شراء اللاعب من لاتسيو pic.twitter.com/xiF9AsFur2
თუ ჩიროს ტრანსფერი შედგება, ეს ყველაფერი გზას 22 წლის ქართველ ფორვარდს - გიორგი მიქაუტაძეს უხსნის, რომლითაც სწორედ რომის "ლაციოა" დაინტერესებული.
ამ ფაქტის შესახებ ლაციოს პრეზიდენტმა - კლაუდიო ლოტიტომ კომენტარი უკვე გააკეთა.
"ჩიროს შეთავაზების შესახებ გავიგე, მაგრამ ჯერჯერობით ჩემამდე ოფიციალური შეთავაზება არ მოსულა. ის ჩემი შვილივითაა, მე მის გაყიდვას არ ვაპირებ, მითუმეტეს ისეთ ფასად, რასაც არაბული კლუბი იხდის.
ერთადერთი გზა, რომ იმობილე კლუბიდან წავიდეს, სატრანსფერო ღირებულება 50 მილიონი ევროა, თუმცა როდესაც ეს წინადადება ხელში მეჭირება, დარწმუნებული არ ვარ, რომ მას კლუბიდან გავუშვებ..." - განაცხადა კალუდიო ლოტიტომ.
შეგახსენებთ, რომ ჩირო იმობილე რომაული კლუბის რიგებში 2016/2017 წლების სეზონიდან ირიცხება, რა დროშიც მის ანგარიშზე, 296 ჩატარებულ მატჩში 196 გატანილი გოლი და 53 საგოლე გადაცემაა. ასევე აღსანიშნავია ის ფაქტი, რომ ჩირო იმობილე "ლაციოს" ყველა დროის საუკეთესო ბომბარდირია.
სხვა სტატიები
