იამალი: "გოლებს დიდ ყურადღებას არ ვაქცევ, თუმცა მიხარია, რომ კრიტიკოსები დავადუმე..."

ლა ლიგის 28-ე ტურში, ცენტრალური მატჩი მადრიდში შედგა, სადაც "ატლეტიკომ" "ბარსელონას" უმასპინძლა. ეს უმნიშვნელოვანესი მატჩი კატალონიელების დრამატული გამარჯვებით დასრულდა, რომლითაც ჩემპიონობისკენ დიდი ნაბიჯი გადადგეს.

მადრიდელები 2:0 იგებდნენ, თუმცა სიტუაცია მოედანზე 72-ე წუთიდან რადიკალურად შეიცვალა, როდესაც ლევანდოვსკიმ სხვაობა შეამცირა, მალევე, 6 წუთში ფერან ტორესმა ანგარიში გაათანაბრა, მატჩის 92-ე წუთზე კი გამარჯვების გოლი ლამინე იამალმა გაიტანა. მატჩს საბოლოო წერტილი კი კვლავ ფერან ტორესმა დაუსვა.

ძალიან პრინციპული და მნიშვნელოვანი გამარჯვების შემდეგ, "ბარსელონას" 17 წლის სუპერვარსკვლავმა - ლამინე იამალმა, კრიტიკოსების შესახებ ისაუბრა.

"მეტროპოლიტანოზე" მოგების შემდეგ "ბარსელონამ" 60 ქულა დააგროვა და პირველ ადგილზე იმყოფება. ასევე 60 ქულაა "რეალის" აქტივშიც, მაგრამ კატალონიელები "სამეფო კლუბს" ბურთების სხვაობით სჯობნის და თანაც, 1 მატჩით ნაკლები აქვს ჩატარებული.

ჰანსი ფლიკის გუნდს მომდევნო მატჩი 30 მარტს, 'ჟირონას' წინააღმდეგ ელის. მონჟუიკზე გასამართი შეხვედრა სტარტს 18:15 საათზე აიღებს.