ჰოლანდის დაცინვაში, პსჟ-ს მხოლოდ 1-მა ფეხბურთელმა არ მიიღო მონაწილეობა
4 წლის წინ
ფეხბურთი
2 წთ
ჩემპიონთა ლიგის მერვედფინალის განმეორებით შეხვედრაში, "პარი სენ-ჟერმენის" ფეხბურთელებმა ერლინგ ჰოლანდს დასცინეს. თამაშის დასრულების შემდეგ, გუნდის თითოეულმა ფეხბურთელმა, გამარჯვება მედიტაციის სტილში აღნიშნა - ზუსტად ისე, როგორც ეს ჰოლანდმა, პირველ შეხვედრაში გატანილი გოლის დრო გააკეთა. ფეხბურთის გულშემატკივრებმა პარიზელთა საქციელი უღირსად შერაცხეს. საინტერესო ფაქტია, რომ 19 წლის ფეხბურთელის დაცინვაში მხოლოდ 1-მა ფეხბურთელმა არ მიიღო მონაწილეობა. მოდით, მთელ ისტორიას გადავავლოთ თვალი.
ყველაფერი დაიწყო იმით, რომ პარიზში თამაშის წინ, ჰოლანდმა გამოაქვეყნა ფოტო, წარწერით: "ეს ქალაქი ჩემია და არა თქვენი."
"პარი სენ-ჟერმენმა" დორტმუნდის "ბორუსია" დამაჯერებლად დაამარცხა და თამაშის შემდეგ, ჰოლანდი მთელმა გუნდმა "დატროლა".
ურუგვაელი ედისონ კავანი იყო ერთადერთი ფეხბურთელი, რომელმაც ჰოლანდის დაცინვაში მონაწილეობაზე უარი განაცხადა
უგუგვაული Ovacion-ის თანახმად, კავანიმ ნეიმარი გოლის ასეთი ჟესტით აღნიშვნის გამო, გააკრიტიკა და ვიდეოს გადაღებისას, მბაპესაც არ შეუერთდა. თამაშის დასრულების შემდეგ, ნეიმარმა საკუთარ ინსტაგრამზე ფოტოც განათავსა, წარწერით: "ეს ქალაქი ჩვენია და არა შენი."
ერლინგ ჰოლანდმა Esporte Interativo-სთან საუბრისას განაცხადა, რომ მედიტაციით ხშირად არის დაკავებული: "მედიტაცია ძალიან მიყვარს, ამ დროს თავს ძალიან მშვიდად ვგრძნობ. გოლის აღნიშვნისას, ამ ფორმას სწორედ ამიტომ გამოვიყენებ," განაცხადა ჰოლანდმა.
სხვა სტატიები
