ჰანსი ფლიკი ლეო მესის სანაკრებო კარიერის დასრულებაზე: „ის მსოფლიოს საუკეთესო ფეხბურთელია“
„ბარსელონას“ მთავარმა მწვრთნელმა ჰანსი ფლიკმა ლიონელ მესის სანაკრებო კარიერის დასრულებას გამოეხმაურა და განაცხადა, რომ არგენტინის ყოფილი კაპიტანი ყოველთვის მსოფლიოს საუკეთესო ფეხბურთელად დარჩება.
„ის მსოფლიოს საუკეთესო მოთამაშეა. აღფრთოვანებული ვიყავი მისი თამაშით მსოფლიო ჩემპიონატზე - ეს უბრალოდ შეუდარებელი სანახაობა იყო“ - ჰანსი ფლიკი
გერმანელმა სპეციალისტმა ასევე დასძინა, რომ თითოეულ გულშემატკივარს გული წყდება, თუმცა ეს სპორტული ცხოვრების ბუნებრივი ნაწილია, ლეომ კი თავისი უპირატესობა მუნდიალზეც საბოლოოდ დაამტკიცა.
🗣️ Hansi Flick: "Time flies. Messi is the best in the world; he had a spectacular World Cup. I am saddened by his decision, but that’s life." pic.twitter.com/1Gnfq7d887
— Sport Time (@sport_tme) August 31, 2026
ამ გადაწყვეტილებით წერტილი დაესვა მესის თითქმის 20-წლიან, ეპოქალურ სანაკრებო ისტორიას. არგენტინის ეროვნული ნაკრების მაისურით ჩატარებულ 207 მატჩში მან 125 გოლი გაიტანა, 2026 წლის მსოფლიო ჩემპიონატის ფინალის შემდეგ კი ეროვნულ გუნდს საბოლოოდ დაემშვიდობა.
მსოფლიო ფეხბურთის მწვერვალის დაპყრობა საკმაოდ ხანგრძლივი და მტკივნეული პროცესი აღმოჩნდა. დიდ ტრიუმფამდე ლეომ 2014 წლის მუნდიალისა და კოპა ამერიკის რამდენიმე ფინალი წააგო. 2021 წელს მან არგენტინას კონტინენტის ჩემპიონობა მოუტანა, ხოლო ერთი წლის შემდეგ, კატარში მსოფლიო ჩემპიონის ოქროს თასი აღმართა და თავის სანაკრებო ზღაპარს ყველაზე მნიშვნელოვანი თავი შესძინა.
სხვა სტატიები
.32.webp)
