ჰანსი ფლიკი: "ესაა ფეხბურთი და ამიტომ გვიყვარს ის"

"ბენფიკამ" და "ბარსელონამ" მიმდინარე სეზონის, ჩემპიონთა ლიგის, ერთ-ერთი ყველაზე დასამახსოვრებელი მატჩი შემოგვთავაზეს. ლიგის ფაზის მე-7 ტურში, ლისაბონელები 2-ჯერ იგებდნენ 2-ბურთიანი სხვაობით, საბოლოოდ კი ბარსამ გამარჯვება მოიპოვა (4:5). წვიმიან "დე ლუჟზე" იყო მეკარის შეცდომები, პენალტები, ბოლო წუთზე გოლი და ბევრი ემოცია. ბარსელონას მწვრთნელმა არამარტო საკუთარ გუნდზე ისაუბრა, არამედ ზოგადად ფეხბურთის სილამაზეზე გაამახვილა ყურადღება.

ბარსელონას ჩემპიონთა ლიგის საუკეთესო 8 გუნდში ადგილი უკვე განაღდებული აქვს, ამიტომ ბოლო ტურის შეხვედრა მათთვის ფორმალობაა. ჰანსი ფლიკის გუნდი, ლიგის ფაზის უკანასკნელ შეხვედრას მონჟუიკზე, "ატალანტას" წინააღმდეგ ჩაატარებს.