გვარდიოლა: ,,ჰოლანდის თვისებებისთვის განსაკუთრებული არაფერი დამიმატებია''

,,მანჩესტერ სიტის'' მთავარმა მწვრთნელმა, პეპ გვარდიოლამ, ,,ქალაქელთა'' თავდამსხმელზე, ერლინგ ჰოლანდზე ისაუბრა:

,,ერლინგი განსაკუთრებული ფეხბურთელია. ვფიქრობ, რომ ის ამბიციურია და თამაში კიდევ უფრო უკეთ სურს. გარდა ამისა, ჰოლანდი შესანიშნავი ადამიანია.

,,მანჩესტერ სიტიში'' გადმოსვლამდე, ის უკვე ოსტატი იყო. მისი თვისებებისთვის განსაკუთრებული არაფერი დამიმატებია,'' - განაცხადა გვარდიოლამ.

მიმდინარე სეზონში ჰოლანდის ანგარიშზე ,,სიტის” მაისურით ჩატარებულ 9 შეხვედრაში 13 გოლი და 1 საგოლე გადაცემაა.

,,მანჩესტერ სიტი'' მომავალ მატჩს ხვალ, ,,ვულვზის'' წინააღმდეგ გამართავს.